അവധി ദിവസങ്ങളില് ഉള്പ്പെടെ വാക്സിനേഷന്
തിരുവനന്തപുരം: അനുബന്ധ രോഗികള്ക്കും ഗര്ഭിണികള്ക്കും മുന്ഗണന നല്കി അവധി ദിവസങ്ങളില് ഉള്പ്പെടെ വാക്സിനേഷന് നടത്താന് സര്ക്കാര്. കോവിഡ് അവലോകന യോഗത്തില് മുഖ്യമന്ത്രിയാണ് അവധി ദിവസങ്ങളിലും വാക്സിന് നല്കാന് നിര്ദേശിച്ചത്. സിറിഞ്ച് ക്ഷാമം ഉണ്ടാവാതെ നോക്കാനും അദ്ദേഹം ആരോഗ്യവകുപ്പിന് നിര്ദ്ദേശം നല്കി.
അനുബന്ധ രോഗങ്ങള് ഉള്ളവര് കോവിഡ് ബാധിതരായാല് ഉടന് ആശുപത്രിയിലെത്തിക്കാന് തദ്ദേശസ്വയംഭരണ സ്ഥാപനങ്ങളും വാര്ഡ് സമിതികളും റാപിഡ് റസ്പോണ്സ് ടീമുകളും ഉണര്ന്നു പ്രവര്ത്തിക്കണമെന്ന് മുഖ്യമന്ത്രി പറഞ്ഞു. ടെലി മെഡിസിന് സംവിധാനം കൃത്യമായി നടക്കുന്നുണ്ടെന്ന് ഉറപ്പാക്കണം. പത്തനംതിട്ട മല്ലപ്പള്ളിയില് രണ്ട് ഡോസ് വാക്സിന് സ്വീകരിച്ച 124 പേര്ക്ക് കൊവിഡ് ബാധിച്ചത് പഠനവിഷയമാക്കാന് മുഖ്യമന്ത്രി ആരോഗ്യവകുപ്പിനും ആരോഗ്യ വിദഗ്ധസമിതിക്കും നിര്ദ്ദേശം നല്കി.