രാഷ്ട്രപതിയുടെ പോലീസ് മെഡലുകള്‍ പ്രഖ്യാപിച്ചു
ന്യൂഡല്‍ഹി: രാജ്യത്ത് വിശിഷ്ട സേവനത്തിനുള്ള രാഷ്ട്രപതിയുടെ സ്വാതന്ത്ര്യദിന പോലീസ് മെഡലുകള്‍ പ്രഖ്യാപിച്ചു. എഡിജിപി യോഗേഷ്‌ ഗുപ്‌ത വിശിഷ്ട സേവനത്തിനുള്ള രാഷ്ട്രപതിയുടെ മെഡലിന് അര്‍ഹനായി .അതെ സമയം കേരളാ പോലീസിലെ പത്ത് പേര്‍ സ്തുത്യര്‍ഹ സേവനത്തിനുള്ള പോലീസ് മെഡലിന് അര്‍ഹരായി. എന്നാല്‍ , ധീരതയ്‍ക്കുള്ള രാഷ്ട്രപതിയുടെ പോലീസ് മെഡലിന് കേരളത്തില്‍ നിന്ന് ആരും അര്‍ഹരായില്ല.
ജി.സ്പര്‍ജന്‍ കുമാര്‍, ടോമി സെബാസ്റ്റ്യന്‍, അശോകന്‍ അപ്പുക്കുട്ടന്‍, ടി. കൃഷ്ണ കുമാര്‍, അരുണ്‍ കുമാര്‍ സുകുമാരന്‍, ഡി.സജി കുമാര്‍, ഗണേശന്‍ വി.കെ., സിന്ധു വി.പി, സന്തോഷ് കുമാര്‍ എസ്, സി.എം. സതീശന്‍, എന്നിവരാണ് സ്തുത്യര്‍ഹ സേവനത്തിനുള്ള മെഡല്‍ അര്‍ഹരായത്. അഗ്നി ശമന സേനാംഗങ്ങള്‍ക്കുള്ള മെഡല്‍ കേരളത്തിലെ അഞ്ച് ഉദ്യോഗസ്ഥര്‍ക്കും ലഭിച്ചു .
സിബിഐയിലെ മലയാളി ഉദ്യോഗസ്ഥന്‍ മനോജ് ശശിധരന് വിശിഷ്ട സേവനത്തിനുള്ള മെഡലിന് അര്‍ഹനായി. രാജസ്ഥാന്‍ ജോദ്പൂര്‍ ഐജിയും മലയാളിയുമായ ജോസ് മോഹനും രാഷ്ട്രപതിയുടെ സ്തുത്യര്‍ഹ സേവനത്തിനുള്ള മെഡല്‍ സ്വന്തമാക്കി .