പരസ്യ പ്രസ്താവന; കെപിസിസി സെക്രട്ടറി പി എസ് പ്രശാന്തിന് സസ്പെന്ഷന്
ന്യൂഡല്ഹി: കഴിഞ്ഞ നിയമസഭ തെരഞ്ഞെടുപ്പില് പാര്ട്ടി സ്ഥസാനാര്ത്ഥികളെ തോല്പിക്കാന് പ്രവര്ത്തിച്ചവരെ കെപിസിസി പുനസംഘടന പട്ടികയില് ഉള്പെടുത്തിയതായി പരസ്യ ആരോപണം ഉന്നയിച്ച കെപിസിസി സെക്രട്ടറിയും നിയമസഭാ തെരഞ്ഞെടുപ്പില് നെടുമങ്ങാട് മണ്ഡലത്തിലെ സ്ഥാനാര്ഥിയുമായിരുന്ന പി എസ് പ്രശാന്തിനെ പാര്ട്ടിയില് നിന്ന് സസ്പെന്ഡ് ചെയ്തു.
കെപിസിസി പ്രസിഡന്റ് കെ സുധാകരനാണ് ഇക്കാര്യം ഡല്ഹിയില് മാധ്യമപ്രവര്ത്തകരെ അറിയിച്ചത്. ആറുമാസത്തേക്കാണ് സസ്പെന്ഷന്. അടിസ്ഥാന രഹിതമായ ആരോപണങ്ങള് ഉന്നയിച്ചതിനാണ് നടപടിയെന്നും സുധാകരന് പറഞ്ഞു.