മൂന്ന് ആശുപത്രികള്ക്ക് കൂടി ദേശീയ ഗുണനിലവാര അംഗീകാരം
ന്യൂഡല്ഹി: ചൈനീസ് കമ്മ്യൂണിസ്റ്റ് പാര്ട്ടിയുടെ 100-ാം വാര്ഷികാഘോഷങ്ങളില് ചൈനീസ് എംബസി സംഘടിപ്പിച്ച പരിപാടിയില് പങ്കെടുത്ത് സി.പി.എം ജനറല് സെക്രട്ടറി സീതാറാം യെച്ചൂരി .
സംസ്ഥാനത്തെ 3 സര്ക്കാര് ആശുപത്രികള്ക്ക് കൂടി നാഷണല് ക്വാളിറ്റി അഷ്വറസന്സ് സ്റ്റാന്റേര്ഡ് (എന്.ക്യൂ.എ.എസ്) അംഗീകാരം ലഭിച്ചതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു.മൂന്ന് സ്ഥാപനങ്ങള്ക്ക് കൂടി പുതുതായി എന്.ക്യു.എ.എസ്. ലഭിച്ചതോടെ സംസ്ഥാനത്ത് ആകെ 124 ആരോഗ്യ സ്ഥാപനങ്ങള്ക്കാണ് എന്.ക്യു.എ.എസ്. അംഗീകാരം നേടിയെടുക്കാനായത്. മൂന്ന് ജില്ലാ ആശുപത്രികള്, നാല് താലൂക്ക് ആശുപത്രികള്, ഏഴ് സാമൂഹികാരോഗ്യ കേന്ദ്രങ്ങള്, 32 അര്ബന് പ്രൈമറി ഹെല്ത്ത് സെന്റര്, 78 കുടുംബാരോഗ്യ കേന്ദ്രങ്ങള് എന്നിങ്ങനെയാണ് എന്.ക്യു.എ.എസ് അംഗീകാരം നേടിയിട്ടുള്ളത്.
തിരുവനന്തപുരം കാട്ടാക്കട ന്യൂ ആമച്ചല് കുടുംബാരോഗ്യ കേന്ദ്രം (സ്കോര് 96.4%), കൊല്ലം ഉളിയക്കോവില് അര്ബന് പ്രൈമറി ഹെല്ത്ത് സെന്റര് (സ്കോര് 93.5%), വയനാട് മുണ്ടേരി കല്പറ്റ അര്ബന് പ്രൈമറി ഹെല്ത്ത് സെന്റര് (സ്കോര് 91.92%) എന്നീ കേന്ദ്രങ്ങള്ക്കാണ് ഇപ്പോള് ദേശീയ ഗുണനിലവാര അംഗീകാരമായ എന്.ക്യൂ.എ.എസ്. ബഹുമതി ലഭിച്ചതെന്നും മന്ത്രി വ്യക്തമാക്കി.