ഭിക്ഷാടനം: സുപ്രിംകോടതി വിധിയെ പുകഴ്ത്തി മുഖ്യമന്ത്രി
തിരുവനന്തപുരം : രാജ്യത്ത് ഭിക്ഷാടനം നിരോധിക്കാനാവില്ലെന്ന സുപ്രിംകോടതി വിധിയെ പുകഴ്ത്തി മുഖ്യമന്ത്രി പിണറായി വിജയന്.
മനുഷ്യര് ഭിക്ഷാടകര് ആകേണ്ടി വരുന്നത് അവര് അത് ആഗ്രഹിക്കുന്നത് കൊണ്ടല്ല. ദാരിദ്ര്യവും പട്ടിണിയുമാണ് അതിനവരെ നിര്ബന്ധിതരാക്കുന്നത്. ദരിദ്രരായ മനുഷ്യരോടുണ്ടാകേണ്ടത് സഹാനുഭൂതിയും സഹായിക്കാനുള്ള സന്നദ്ധതയുമാണ് എന്നും അദ്ദേഹം കൂട്ടിച്ചേര്ത്തു.
അതിതീവ്ര ദാരിദ്ര്യം തുടച്ചുനീക്കാന് കേരളം പുതിയ പദ്ധതി ആവിഷ്കരിച്ചിട്ടുണ്ടെന്നും അതിന്റെ ഭാഗമായി നടക്കുന്ന സര്വേ നാലുമാസത്തിനകം പൂര്ത്തിയാകുമെന്നും മുഖ്യമന്ത്രി പറഞ്ഞു. തുടര്ന്ന് തദ്ദേശ സ്വയംഭരണ സ്ഥാപനങ്ങളുടെ നേതൃത്വത്തില് മൈക്രോപ്ലാനുകള് തയ്യാറാക്കി അതിതീവ്ര ദാരിദ്ര്യം അനുഭവിക്കുന്ന കുടുംബങ്ങളെ അതില് നിന്നും മോചിതരാക്കാന് ആവശ്യമായ പ്രവര്ത്തനങ്ങള് നടപ്പിലാക്കും. വരുന്ന അഞ്ച് വര്ഷത്തിനുള്ളില് അതിതീവ്ര ദാരിദ്ര്യം ഇല്ലാതാക്കുക എന്നതാണ് കേരളത്തിന്റെ ലക്ഷ്യമെന്നും മുഖ്യമന്ത്രി പറഞ്ഞു. ഫേസ്ബുക്ക് പോസ്റ്റിലൂടെയായിരുന്നു അദ്ദേഹത്തിന്റെ പ്രതികരണം.