പ്രതിപക്ഷ പ്രതിഷേധം: പാര്‍ലമെന്‍റിന്‍റെ ഇരു സഭകളും നിര്‍ത്തി വച്ചു
ന്യൂഡല്‍ഹി: പ്രതിപക്ഷ പ്രതിഷേധത്തെ തുടര്‍ന്ന് പാര്‍ലമെന്‍റിന്‍റെ ഇരു സഭകളും നിര്‍ത്തിവെച്ചു. ലോക്സഭയും രാജ്യസഭയും ഉച്ചക്ക് 12 മണി വരെയാണ് നിര്‍ത്തിയത്. പെഗസസ്, കര്‍ഷക പ്രതിഷേധം, ഓക്സിജന്‍ മരണങ്ങള്‍ എന്നിവയുമായി ബന്ധപ്പെട്ടാണ് പ്രതിപക്ഷ പ്രതിഷേധം ഉയര്‍ന്നത്.
പാര്‍ലമെന്‍റില്‍ കര്‍ഷകപ്രതിഷേധത്തില്‍ കോണ്‍ഗ്രസ് എം.പി മണിചാം ടാഗോര്‍ അടിയന്തര പ്രമേയത്തിന് നോട്ടീസ് നല്‍കി. രാജ്യത്ത് ഓക്സിജന്‍ അഭാവം മൂലം കോവിഡ് മരണം ഉണ്ടായിട്ടില്ലെന്ന കേന്ദ്രസര്‍ക്കാര്‍ വാദത്തില്‍ സി.പി.ഐ എം.പി ബിനോയ് വിശ്വവും നോട്ടീസ് നല്‍കി.