കൊടകര കുഴല്പ്പണ കവര്ച്ചാ കേസിലെ 6 പ്രതികളുടെ ജാമ്യാപേക്ഷ ഹൈക്കോടതി തള്ളി
കൊച്ചി: കൊടകര കുഴല്പ്പണ കവര്ച്ചാ കേസിലെ 6 പ്രതികളുടെ ജാമ്യാപേക്ഷ ഹൈക്കോടതി തള്ളി. അരീഷ്, അബ്ദുല് ഷാഹിദ്, ബാബു, മുഹമ്മദ് അലി, റൗഫ് എന്നിവരുടെ ജാമ്യാപേക്ഷയാണ് തള്ളിയത്.
അന്വേഷണം പുരോഗമിക്കുകയാണന്നും ജാമ്യം അനുവദിക്കരുതെന്നും പ്രോസിക്യൂഷന് ആവശ്യപ്പെട്ടു. കവര്ച്ച നടത്തിയ കുഴല്പണം പൂര്ണമായി കണ്ടെത്തിയില്ലെന്നും പ്രതികള് പുറത്തിറങ്ങിയാല് ബാക്കി പണം വീണ്ടെടുക്കാന് കഴിയില്ലെന്നും ജാമ്യാപേക്ഷയെ എതിര്ത്ത് പ്രോസിക്യൂഷന് വാദിച്ചു. പ്രധാന സാക്ഷികളെ ഇനിയും ചോദ്യം ചെയ്യാന് ഉണ്ട്.
അറസ്റ്റിലായി 90 ദിവസം ആകാത്തതിനാല് സ്വാഭാവിക ജാമ്യത്തിന് പ്രതികള്ക്ക് അര്ഹതയില്ലെന്നും സര്ക്കാര് വാദിച്ചു. പ്രോസിക്യൂഷന് നിലപാട് പരിഗണിച്ചാണ് പ്രതികളുടെ ജാമ്യാപേക്ഷ കോടതി നിരസിച്ചത്.