വാക്സീന് മുന്ഗണനാ പട്ടികയില് കൂടുതല് വിഭാഗങ്ങള്
തിരുവനന്തപുരം: വാക്സീന് മുന്ഗണനാ പട്ടികയില് സിവില് സപ്ലൈസ്, സപ്ലൈകോ, ലീഗല് മെട്രോളജി, സര്ക്കാര് പ്രസ്, ടെക്സ്റ്റ് ബുക്ക് അച്ചടി, പാസ്പോര്ട്ട് ഓഫീസ് ജീവനക്കാര് എന്നിവരെ ഉള്പ്പെടുത്തി. ഈ മാസം 31 മുതല് സെക്രട്ടേറിയറ്റില് 50 ശതമാനം ജീവനക്കാര് ഹാജരാവാണം.
നിയമസഭ നടക്കുന്നതിനാല് അണ്ടര് സെക്രട്ടറിമാര് മേലോട്ടുള്ള ഉദ്യോഗസ്ഥരെല്ലാം സെക്രട്ടേറിയേറ്റിലുണ്ട്.
വാക്സീന് എടുത്തവര് അതിരുകവിഞ്ഞ സുരക്ഷാബോധം കൊണ്ടുനടക്കേണ്ട കാര്യമില്ല. രോഗം വന്നാലും രൂക്ഷത കുറവായിരിക്കും എന്നേയുള്ളൂ. വാക്സീന് എടുത്തവരിലും രോഗബാധയുണ്ടാവാം. രോഗവാഹകരായി ഇവര് മാറാനും സാധ്യതയുണ്ട്. ആശുപത്രികളില് പോകുന്നതില് ബുദ്ധിമുട്ടുകള് നേരിടുന്നതിനാല് സര്ക്കാരിന്റെ ഇ സജ്ഞീവനി ആപ്പ് വഴി ടെലിമെഡിസന് സൗകര്യം ഉപയോഗപ്പെടുത്തി ചികിത്സ തേടേണ്ടതാണ്. മുഖ്യമന്ത്രി പറഞ്ഞു.