പി.സി ചാക്കോ എന്‍.സി.പി സംസ്ഥാന അധ്യക്ഷന്‍
തിരുവനന്തപുരം: കോണ്‍ഗ്രസ് വിട്ട് എന്‍.സി.പിയിലെത്തിയ പി.സി ചാക്കോയെ പാര്‍ട്ടി സംസ്ഥാന അധ്യക്ഷനായി തെരഞ്ഞെടുത്തു. ചാക്കോയെ അധ്യക്ഷനാക്കാനുള്ള നിര്‍ദേശത്തിന് പാര്‍ട്ടി ദേശീയ അധ്യക്ഷന്‍ ശരത് പവാര്‍ അംഗീകാരം നല്‍കി.
ടി.പി പീതാംബരന്‍ മാസ്റ്റര്‍ക്ക് പകരക്കാരനായാണ് ചാക്കോയെത്തുന്നത്. എന്‍.സി.പിയിലെ ഒരുവിഭാഗം പീതാംബരന്‍ മാസ്റ്ററെ അധ്യക്ഷസ്ഥാനത്ത് നിന്ന് മാറ്റണമെന്ന് ആവശ്യപ്പെട്ടിരുന്നു. ഇതിന് പിന്നാലെയാണ് എന്‍.സി.പിയിലെ നേതൃമാറ്റം.
രണ്ടാം പിണറായി മന്ത്രിസഭയില്‍ വകുപ്പ് മാറിയതില്‍ അതൃപ്തിയില്ലെന്ന് ചാക്കോ പ്രതികരിച്ചു. ഏറെ പ്രാധാന്യമുള്ള വകുപ്പാണ് വനമെന്നും അദ്ദേഹം പറഞ്ഞു. അടുത്ത അഞ്ച് വര്‍ഷവും എ.കെ ശശീന്ദ്രന്‍ തന്നെയായിരിക്കും മന്ത്രിയെന്നും അദ്ദേഹം വ്യക്തമാക്കി.