സംസ്ഥാനവ്യാപകമായി നാളെ ബിജെപി പ്രതിഷേധദിനം
തിരുവനന്തപുരം : ബിജെപി സംസ്ഥാന ജനറൽ സെക്രട്ടറി കെ.സുരേന്ദ്രൻ, തൃശൂർ ജില്ലാ പ്രസിഡന്റ് എ.നാഗേഷ് എന്നിവർ ഉൾപ്പെടെ അയ്യപ്പദർശനത്തിന് ഇരുമുടിക്കെട്ടുമായി സന്നിധാനത്തേക്ക് പോവുകയായിരുന്ന അയ്യപ്പഭക്തരെ അറസ്റ്റ് ചെയ്തതിൽ പ്രതിഷേധിച്ച് നാളെ (18-11-2018) സംസ്ഥാനവ്യാപകമായി ബിജെപി പ്രതിഷേധദിനം സംഘടിപ്പിക്കും.
ഇതിന്റെ ഭാഗമായി പാർട്ടി പ്രവർത്തകർ അയ്യപ്പഭക്തരോടൊപ്പം ദേശീയ പാത ഉപരോധിക്കും. ശബരിമലയിലെ പൊലീസ് രാജിനെതിരെയുള്ള ധർമ്മസമരത്തിൽ മൊത്തം ഈശ്വരവിശ്വാസികളും ജനാധിപത്യവാദികളും പങ്കെടുക്കണമെന്ന് ബിജെപി സംസ്ഥാന അദ്ധ്യക്ഷൻ അഡ്വ. പി എസ് ശ്രീധരൻ പിള്ള ആഹ്വാനം ചെയ്തു.