ലക്ഷദ്വീപില് മത്സ്യബന്ധന ബോട്ട് മുങ്ങി; എട്ട് പേരെ കാണാതായതായി
കവരത്തി: ടൗട്ടെ ചുഴലിക്കാറ്റില് ലക്ഷദ്വീപിന് സമീപം മത്സ്യബന്ധനബോട്ട് മുങ്ങിയതായി റിപ്പോര്ട്ട്.തമിഴ്നാട്ടിലെ നാഗപ്പട്ടണം സ്വദേശികളും ഒഡീഷ സ്വദേശികളുമാണ് ബോട്ടിലുണ്ടായിരുന്നതെന്നാണ് അറിയുന്നത്.
തമിഴ്നാട്ടില് നിന്നും മത്സ്യബന്ധനത്തിന് പോയ മുരുഗന് തുണൈ എന്ന് പേരുള്ള മത്സ്യബന്ധന ബോട്ടാണ് ശക്തമായ കാറ്റിലും തിരയിലും മുങ്ങിയത് എന്നാണ് വിവരം. അപകടം നടക്കുമ്ബോള് ബോട്ടില് എട്ട് പേര് ഉണ്ടായിരുന്നുവെന്നാണ് സൂചന.
അപകടവിവരം അറിഞ്ഞതിനെ തുടര്ന്ന് കോസ്റ്റ് ഗാര്ഡ് സംഭവസ്ഥലത്ത് തെരച്ചില് നടത്തുന്നുണ്ട്. കാലാവസ്ഥ തെരച്ചിലിനെ പ്രതികൂലമായി ബാധിക്കുന്നുണ്ട്. ലക്ഷദ്വീപില് കടല്ക്ഷോഭവും ചാറ്റല് മഴയും തുടരുകയാണ്.
ബോട്ടിലുണ്ടായിരുന്നവരെക്കുറിച്ച് വിവരങ്ങളൊന്നും നിലവില് ഇല്ലെന്നാണ് സൂചന.