നഴ്സുമാര്ക്ക് കേരളത്തിന്റെ നന്ദി: മുഖ്യമന്ത്രി
തിരുവനന്തപുരം: അന്താരാഷ്ട്ര നഴ്സസ് ദിനത്തില് നഴ്സ്മാര്ക്ക് നന്ദി അറിയിച്ച് മുഖ്യമന്ത്രി പിണറായി വിജയന്. കോവിഡ് പോരാട്ടത്തിന്റെ മുന്നണിയില് സ്വന്തം ജീവന് പണയം വച്ച് പോരാടുന്ന ലോകത്തെമ്ബാടുമുള്ള നഴ്സുമാരോട് കേരളത്തിന്റെ നന്ദിയും കടപ്പാടും അറിയിക്കുന്നെന്ന് മുഖ്യമന്ത്രി പറഞ്ഞു.
20 ലക്ഷത്തോളം നഴ്സുമാരാണ് ഈ കാലയളവില് കോവിഡ് ബാധിതരായത്. മൂവായിരത്തിലേറെ പേര് കോവിഡ് ബാധിച്ച് മരിച്ചു. വെല്ലുവിളി മുന്നിലുണ്ടായിട്ടും സമൂഹത്തിന് വേണ്ടി അവര് പ്രവര്ത്തിക്കുന്നു. കോവിഡ് പ്രതിരോധം മികച്ച രീതിയില് നടപ്പാക്കാനായത് ഇതുകൊണ്ടാണ്.
നിപ്പ ആക്രമണത്തില് ലിനിക്ക് സ്വന്തം ജീവന് നല്കേണ്ടി വന്നു. നാടിനായി നഴ്സുമാര് സഹിക്കുന്ന ത്യാഗത്തിന് നന്ദി പറയണമെന്നും മുഖ്യമന്ത്രി ആവശ്യപ്പെട്ടു. നഴ്സുമാര്ക്ക് സഹായവും പിന്തുണയും എല്ലാവരുടെയും ഭാഗത്ത് നിന്നുണ്ടാകണം. എ മിഷന് ഫോര് ഫ്യൂചര് ഹെല്ത്ത് കെയര് എന്നതാണ് ഇത്തവണത്തെ സന്ദേശം.