സൗജന്യ കിറ്റ് അടുത്തയാഴ്ച മുതല്
തിരുവനന്തപുരം: കോവിഡ് പശ്ചാത്തലത്തില് ഏര്പ്പെടുത്തിയ സൗജന്യ ഭക്ഷ്യകിറ്റ് ഇത്തവണ ഇതരസംസ്ഥാന തൊഴിലാളികള്ക്കും നല്കുമെന്ന് മുഖ്യമന്ത്രി പിണറായി വിജയന്. കിറ്റ് അടുത്തയാഴ്ച വിതരണം ചെയ്യും.
18-45 വയസുള്ളവര്ക്ക് ഒറ്റയടിക്ക് വാക്സീന് നല്കാന് കഴിയില്ല. ഈ പ്രായക്കാരില് മറ്റുരോഗമുള്ളവര്ക്കും കോവിഡ് രോഗികളുമായി അടുത്തിടപഴകുന്ന വാര്ഡുതല സമിതിക്കാര്ക്കും മുന്ഗണന നല്കും. വാര്ഡുതല സമിതിയിലുള്ളര്ക്കു സഞ്ചരിക്കാന് പാസ് അനുവദിക്കും.
ബാങ്കുകളുടെ പ്രവര്ത്തനം ഒന്നിടവിട്ട ദിവസങ്ങളിലാക്കി ചുരുക്കി. തിങ്കള്, ബുധന്, വെള്ളി ദിവസങ്ങളിലാണ് ബാങ്കുകള് പ്രവര്ത്തിക്കുക.
അത്യാവശ്യ കാര്യങ്ങള്ക്കു പുറത്തു പോകുന്നവര് പൊലീസില്നിന്ന് പാസ് വാങ്ങണം. 25000 പൊലീസുകാരെ കോവിഡ് ഡ്യൂട്ടിക്ക് നിയോഗിച്ചിട്ടുണ്ട്. കേരളത്തിനു പുറത്തുനിന്ന് വരുന്നവര് കോവിഡ് ജാഗ്രതാ പോര്ട്ടലില് നിര്ബന്ധമായും റജിസ്റ്റര് ചെയ്യണം. അങ്ങനെ ചെയ്തില്ലെങ്കില് സ്വന്തം ചെലവില് 14 ദിവസം ക്വാറന്റീനില് കഴിയണം.
ലോക്ഡൗണ് സമയത്ത് തട്ടുകടകള് തുറക്കരുത്. വാഹന വര്ക്ഷോപ്പുകള് ആഴ്ചാവസാനം രണ്ടുദിവസം തുറക്കാം. ഹാര്ബറില് ആള്ക്കൂട്ടമുണ്ടാക്കുന്ന ലേലം ഒഴിവാക്കണം. പള്സ് ഓക്സീമീറ്ററുകള്ക്ക് അമിത നിരക്ക് ഈടാക്കുന്നവര്ക്കെതിരെ കടുത്ത നടപടി സ്വീകരിക്കുമെന്നും മുഖ്യമന്ത്രി അറിയിച്ചു.