നടന് ശരണ് കുഴഞ്ഞ് വീണു മരിച്ചു
തിരുവനന്തപുരം: ചിത്രം സിനിമയില് ബാലതാരമായി അഭിനയിച്ച നടന് ശരണ് (40) കുഴഞ്ഞ് വീണു മരിച്ചു. കടുത്ത പനിയെ തുടര്ന്ന് രണ്ട് ദിവസമായി ചികിത്സയിലായിരുന്നു. കുഴഞ്ഞു വീണതിനെ തുടര്ന്ന് ഇന്ന് രാവിലെ കടക്കല് താലൂക്ക് ആശുപത്രിയില് എത്തിച്ചുവെങ്കിലും രക്ഷിക്കാനായില്ല.
കോവിഡ് പരിശോധനാഫലം വന്നതിന് ശേഷം മൃതദേഹം ബന്ധുക്കള്ക്ക് വിട്ട് നല്കും. പ്രിയദര്ശന്- മോഹന്ലാല് സൂപ്പര് ഹിറ്റ് സിനിമയായ ചിത്രം ഉള്പ്പടെ നാല് സിനിമകളില് ശരണ് അഭിനയച്ചിട്ടുണ്ട്. സിനിമ- സീരിയല് മേഖലയില് ഡബ്ബിംഗ് ആര്ട്ടിസ്റ്റായിട്ടും പ്രവര്ത്തിച്ചിട്ടുണ്ട്.