കേരളം അതീവ ജാഗ്രത പാലിക്കണമെന്ന് കേന്ദ്ര ആരോഗ്യമന്ത്രാലയം
ന്യൂഡല്ഹി : കോവിഡ് രണ്ടാം തരംഗത്തില് കേരളം അതീവ ജാഗ്രത പാലിക്കണമെന്ന് കേന്ദ്ര ആരോഗ്യമന്ത്രാലയം. സംസ്ഥാനത്ത് നിയന്ത്രണങ്ങള് കടുപ്പിക്കണമെന്നും വ്യാപന തീവ്രത ഏറ്റവും രൂക്ഷമാണെന്നും ആരോഗ്യമന്ത്രാലയം നിര്ദ്ദേശിച്ചു.
കോവിഡ് രോഗികള് അനാവശ്യമായി സിടി സ്കാന് ചെയ്യരുത്. നേരിയ ലക്ഷണങ്ങളുള്ളവര്ക്ക് സ്കാനിംഗ് ആവശ്യമില്ല. സ്കാനിംഗ് റേഡിയേഷന് ഗുരുതര പ്രശ്നങ്ങളുണ്ടാക്കുമെന്നും ആരോഗ്യ മന്ത്രാലയം പറഞ്ഞു. രാജ്യത്ത് ആവശ്യത്തിന് ഓക്സിജന് സ്റ്റോക്കുണ്ടെന്ന് ആഭ്യന്തര മന്ത്രാലയം അറിയിച്ചു. നൈട്രജന് പ്ലാന്്റുകള് കൂടി ഓക്സിജന് പ്ലാന്്റുകളാക്കിയിട്ടുണ്ട് എന്നും ആരോഗ്യമന്ത്രാലയം ജോയിന്റ് സെക്രട്ടറി അറിയിച്ചു.