തമിഴ് നടന് ആര്.എസ്.ജി. ചെല്ലദുരൈ അന്തരിച്ചു
ചെന്നൈ: തമിഴ് നടന് ആര്.എസ്.ജി. ചെല്ലദുരൈ (84) അന്തരിച്ചു. ഹൃദയാഘാതമാണ് മരണകാരണമായതെന്നാണ് പ്രാഥമിക നിഗമനം. വ്യാഴാഴ്ച വൈകുന്നേരം ചെന്നൈ പെരിയാര് നഗറിലുള്ള വീട്ടില് വച്ചായിരുന്നു അന്ത്യം.
തമിഴ് സിനിമയിലേ സുപ്രധാന സഹതാരങ്ങളില് ഒരാളായിരുന്ന ചെല്ലദുരൈ നൂറിലധികം സിനിമകളിലാണ് വേഷമണിഞ്ഞിരിക്കുന്നത്. വിജയ് ചിത്രങ്ങളായ കത്തി, തെരി, ധനുഷ് നായകനായ മാരി തുടങ്ങിയ സിനിമകളില് വളരെ ശ്രദ്ധേയമായ വേഷങ്ങള് അവതരിപ്പിച്ചിരുന്നു.