സോളാര് തട്ടിപ്പുകേസില് സരിത കുറ്റക്കാരി; ശിക്ഷാ വിധി ഉടന്
കോഴിക്കോട്: സോളാര് കേസില് സരിത എസ്.നായര് കുറ്റക്കാരിയെന്ന് കോടതി. കോഴിക്കോട് ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതി ശിക്ഷാ വിധി ഉടന് പ്രഖ്യാപിക്കും. ഉച്ചയ്ക്ക് ശേഷം മൂന്ന് മണിക്ക് ശിക്ഷ വിധിക്കും. ചതി, ആള്മാറാട്ടം, വഞ്ചന തുടങ്ങിയ വകുപ്പുകള് സരിതയ്ക്കെതിരെ ചുമത്തി.
മൂന്നാം പ്രതി മണിമോനെ കോടതി വെറുതെ വിട്ടു. താന് നിരപരാധിയെന്നും വിധിയില് സന്തോഷമെന്നും മണിമോന് പറഞ്ഞു.
കോഴിക്കോടുള്ള വ്യവസായി അബ്ദുള് മജീദില് നിന്ന് 4270000 രൂപ സരിതയും ബിജു രാധാകൃഷ്ണനും ചേര്ന്ന് തട്ടിയെടുത്തെന്നതാണ് കേസ്.
സോളാര് തട്ടിപ്പ് പരമ്ബരയില് ആദ്യം രജിസ്റ്റര് ചെയ്ത കേസുകളിലൊന്നായിരുന്നു ഇത്. മാര്ച്ച് 23 ന് വിധി പറയേണ്ടിയിരുന്ന കേസ് സരിത ഹാജരാകാതിരുന്ന സാഹചര്യത്തില് മാറ്റിവെക്കുകയായിരുന്നു.