രാജ്യത്ത് വീണ്ടും പ്രതിദിനകോവിഡ് ബാധിതര് മൂന്ന് ലക്ഷം കടന്നു
ന്യൂഡല്ഹി: രാജ്യത്ത് കോവിഡ് വ്യാപനം അതിരൂക്ഷമായി തുടരുന്നു. പ്രതിദിന കോവിഡ് രോഗികളുടെ എണ്ണം വീണ്ടും മൂന്ന് ലക്ഷം കടന്നു. കഴിഞ്ഞ 24 മണിക്കൂറിനിടെ 3,46,786 കോവിഡ് കേസുകളാണ് റിപ്പോര്ട്ട് ചെയ്തത്. 2,624 മരണവും റിപ്പോര്ട്ട് ചെയ്തു. ഇതുവരെ 1,66,10,481 പേര്ക്കാണ് കോവിഡ് സ്ഥിരീകരിച്ചത്. 1,38,67,997 പേര് രോഗമുക്തി നേടി. കോവിഡ് ബാധിച്ച് 1,89,544 പേര്ക്ക് ജീവന് നഷ്ടമായി. നിലവില് 25,52,940 പേരാണ് രോഗം ബാധിച്ച് ചികിത്സയിലുള്ളത്.
ആരോഗ്യ പ്രവര്ത്തകരിലും രോഗബാധിതരാകുന്നവരുടെ എണ്ണം ഉയരുകയാണ്. ആരോഗ്യ പ്രവര്ത്തകര്ക്കൊപ്പം സന്നദ്ധ പ്രവര്ത്തകരെയും സംസ്ഥാനങ്ങളില് കോവിഡ് പ്രതിരോധത്തിന് ഉപയോഗിക്കാന് ചീഫ് സെക്രട്ടറിമാര്ക്കയച്ച കത്തില് കേന്ദ്രം നിര്ദേശിച്ചു.