തിരുവനന്തപുരത്ത് 750 പേർക്കു കൂടി കോവിഡ്
648 പേർക്കു രോഗമുക്തി
തിരുവനന്തപുരത്ത് ഇന്ന് (16 ഏപ്രിൽ 2021) 750 പേർക്കു കൂടി കോവിഡ് 19 സ്ഥിരീകരിച്ചു. 648 പേർ രോഗമുക്തരായി. 5,382 പേരാണ് ജില്ലയിൽ കോവിഡ് ബാധിച്ച് ഇപ്പോൾ ചികിത്സയിലുള്ളത്.
ഇന്നു രോഗം സ്ഥിരീകരിച്ചവരിൽ 556 പേർക്കു സമ്പർക്കത്തിലൂടെയാണു രോഗബാധയുണ്ടായത്. ഇതിൽ 3 പേർ ആരോഗ്യ പ്രവർത്തകരാണ്.
രോഗലക്ഷണങ്ങളെത്തുടർന്നു ജില്ലയിൽ 2,332 പേരെക്കൂടി നിരീക്ഷണത്തിലാക്കി. ഇവരടക്കം ആകെ 23,175 പേർ ക്വാറന്റൈനിൽ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 820 പേർ രോഗലക്ഷണങ്ങളില്ലാതെ നിരീക്ഷണകാലം പൂർത്തിയാക്കി.