നീരവ് മോദിയെ ഇന്ത്യക്ക് കൈമാറാന് യു.കെ കോടതിയുടെ ഉത്തരവ്
ലണ്ടന്: പഞ്ചാബ് നാഷണല് ബാങ്കില് നിന്ന് 14000 കോടിയുടെ തട്ടിപ്പ് നടത്തിയ വജ്രവ്യാപാരി നീരവ് മോദിയെ ഇന്ത്യക്ക് കൈമാറാന് ഉത്തരവിട്ട് യുകെ കോടതി .തട്ടിപ്പ് കേസില് നീരവ് മോദിക്കെതിരെ മതിയായ തെളിവുണ്ടെന്ന് കോടതി വ്യക്തമാക്കി.
ഇന്ത്യന് ജയില് സാഹചര്യങ്ങളില് തന്റെ മാനസികാരോഗ്യം വഷളാകുമെന്നടക്കമുള്ള നീരവ് മോദിയുടെ വാദങ്ങള് കോടതി നിഷ്ക്കരുണം തള്ളി.
‘നീരവ് മോദിയെ ഇന്ത്യയിലേക്ക് കൈമാറുന്നത് മനുഷ്യാവകാശത്തിന് അനുസൃതമാണെന്നതില് സംതൃപ്തനാണ്’ ജില്ലാ ജഡ്ജി സാമുവല് ഗൂസെ പറഞ്ഞു. ഉത്തരവില് അപ്പീല് പോകാന് നീരവിന് അവകാശമുണ്ടെന്നും കോടതി നിരീക്ഷിച്ചു .
പി എന് ബിയില് നിന്ന് 14000 കോടിയുടെ തട്ടിപ്പ് നടത്തിയ കേസില് 2019 മാര്ച്ചില് അറസ്റ്റിലായ നീരവ് സൗത്ത് വെസ്റ്റ് ലണ്ടനിലെ വാന്ഡ്സ്വര്ത്ത് ജയിലിലാണിപ്പോള്. ഇയാളെ വിട്ടുകിട്ടണമെന്നുള്ള ഇന്ത്യയുടെ ആവശ്യം അംഗീകരിച്ച കോടതി ഇന്ത്യക്ക് കൈമാറിയാല് നീതി ലഭിക്കില്ലെന്ന വാദത്തിന് തെളിവില്ലെന്നും വ്യക്തമാക്കി.