മുങ്ങുന്ന കപ്പലില്നിന്ന് കാപ്പന് രക്ഷപ്പെട്ടു: ചെന്നിത്തല
പാലാ: മുങ്ങുന്ന കപ്പലില്നിന്ന് മാണി സി. കാപ്പന് രക്ഷപ്പെട്ടുവെന്ന് പ്രതിപക്ഷ നേതാവ് രമേശ് ചെന്നിത്തല. ഐശ്വര്യ കേരളയാത്രയില് പാലായില് സംസാരിക്കുകയായിരുന്നു ചെന്നിത്തല.
മുങ്ങുന്ന കപ്പലില്നിന്ന് കാപ്പന് രക്ഷപ്പെട്ടു. കാപ്പനെ യുഡിഎഫിലേക്ക് സ്വാഗതം ചെയ്യുന്നുവെന്നും അദ്ദേഹം പറഞ്ഞു. കാപ്പനെ വിശ്വസമുണ്ടെന്ന് ജനങ്ങള് തെളിയിച്ചതാണ്. ഇപ്പോള് ധാര്മികത പറയുന്നവരുണ്ട്. യുഡിഎഫിന്റെ വോട്ട് വാങ്ങി ജയിച്ച രണ്ട് എംഎല്എമാരും ഒരു എംപിയും എല്ഡിഎഫിലേക്ക് പോയപ്പോള് ഈ ധാര്മികതയില്ലെ എന്നും ചെന്നിത്തല ചോദിച്ചു.
ചെറുപ്പക്കാര് സെക്രട്ടറിയേറ്റിനുമുന്നില് സമരം ചെയ്യുന്നു. ഇവരെ ആക്ഷേപിക്കാനും അധിഷേപിക്കാനുമാണ് മുഖ്യമന്ത്രി ശ്രമിക്കുന്നത്. ഇവര്ക്ക് എന്തുകൊണ്ട് ജോലി കിട്ടുന്നില്ലെന്നും ചെന്നിത്തല ചോദിച്ചു. പിന്വാതില് നിയമനമാണ് ഇതിന് പ്രശ്നം. യുഡിഎഫ് അധികാരത്തിലെത്തിയാല് അനധികൃത നിയമനങ്ങള് പുനപരിശോധിക്കുമെന്നും ചെന്നിത്തല കൂട്ടിച്ചേര്ത്തു