ബാങ്കുകള്‍ക്കും ബാങ്കിങ് ഇതര ധനകാര്യ സ്ഥാപനങ്ങള്‍ക്കും മുന്നറിയിപ്പുമായി ആര്‍.ബി.ഐ
ന്യൂഡല്‍ഹി: ബാങ്കുകളും ബാങ്കിങ് ഇതര ധനകാര്യ സ്ഥാപനങ്ങളും ഭരണപരമായ കാര്യങ്ങള്‍ കൂടുതല്‍ ശക്തിപ്പെടുത്തണമെന്ന് ആര്‍.ബി.ഐ ഗവര്‍ണര്‍ ശക്തികാന്ത ദാസ്. വിര്‍ച്വല്‍ യോഗത്തില്‍ സംസാരിക്കുേമ്ബാഴാണ് ശക്തികാന്ത ദാസ് ഇന്ത്യന്‍ സമ്ബദ്വ്യവസ്ഥയെ കുറിച്ച്‌ പ്രസ്താവന നടത്തിയത്. നല്ല ഭരണ സംവിധാനവും റിസ്ക് മാനേജ്മെന്‍റും ബാങ്കുകളുടേയും ബാങ്കിങ് ഇതര ധനകാര്യസ്ഥാപനങ്ങളുടേയും മികച്ച പ്രവര്‍ത്തനത്തിന് ആവശ്യമാണെന്ന് ശക്തികാന്ത ദാസ് വ്യക്തമാക്കി.
ധനകാര്യ സ്ഥാപനങ്ങളെ ശക്തിപ്പെടുത്താനാണ് ആര്‍.ബി.ഐ ശ്രമം. സാമ്ബത്തിക സുസ്ഥിരത കൈവരിക്കുന്നതിനായി പ്രതിരോധ സംവിധാനമുണ്ടാക്കുകയാണ് ഇപ്പോഴത്തെ പ്രധാന ലക്ഷ്യം. പുതിയ സാങ്കേതിക വിദ്യകളുടെ സഹായത്തോടെ ബാങ്കുകളിലെ പ്രതിസന്ധി മറികടക്കാനാണ് ശ്രമമെന്ന് ആര്‍.ബി.ഐ ഗവര്‍ണര്‍ പറഞ്ഞു.
ബാങ്കുകളില്‍ ശക്തമായ ഇേന്‍റണല്‍ ഓഡിറ്റ് വേണം. ബാങ്കിങ് ഇതര ധനകാര്യ സ്ഥാപനങ്ങള്‍ക്കുള്ള മാര്‍ഗനിര്‍ദേശം ഉടന്‍ പുറത്തിറക്കും. സമ്ബദ്വ്യവസ്ഥയുടെ തിരിച്ചുവരവ് പ്രകടമാണ്. ബാങ്കുകളിലെ മൂലധനസമാഹരണത്തിനും ആര്‍.ബി.ഐ പ്രാധാന്യം നല്‍കുന്നുണ്ടെന്ന് ശക്തികാന്ത ദാസ് പറഞ്ഞു.